Andskotans vitleysa að úthýsa helvíti

Það er víðar en á Íslandi sem klerkarnir reyna að falsa og fegra Biblíuna, þegar nýjar útgáfur líta dagsins ljós.

Túlkar ekki Biblían orð og vilja guðs? Geta menn bara breytt guðs orði ef það þjónar einhverjum annarlegum hagsmunum sem breyttur tíðarandi hefur skapað?

Verður þá ekki bara að falsa alla Biblíuna smám saman?

Hvað með þennan texta t.d. úr Opinberun Jóhannesar 20:10 ?

"Og djöflinum, sem leiðir þá afvega, var kastað í díkið elds og brennisteins, þar sem bæði dýrið er og falsspámaðurinn. Og þeir munu kvaldir verða dag og nótt um aldir alda"

 

Er þetta ekki lýsingin á staðnum sem við syndararnir lendum á fyrir rest. Ef helvíti verður úthýst úr Biblíunni kollvarpast megnið af boðskap hennar.

 

Ég held að áhangendur Biblíunnar ættu bara að halda sig við frumútgáfuna. Annars verður þeim bara varpað á bálið eins og okkur hinum. Falsanir og ljúgvitni eru nefnilega mjög refsiverð afbrot samkvæmt Biblíunni.

Gangið á guðs vegum sem það kjósið.

Góðar stundir

Hætt að tala um helvíti?

Athugasemdir

[Gulli litli, 11.3.2008 kl. 22:36]

tú ert búinn ad skamma gud og biblíuna svo mikid ad tú ferd beint til hel..hel...Hellissands ef tú hættir ekki...

[Kári S. Lárusson, 11.3.2008 kl. 22:42]

Gulli, ég er hættur í bili. En ég stóð nú með guði í síðustu færslu.

[Gulli litli, 11.3.2008 kl. 22:43]

ég er ekki ad kvarta, mér líkar tetta vel, vid erum skodanabrædur í thessum målum!